«Baza xidmətləri»nə tariflərin (ilk növbədə, sığortanın icbari növləri üzrə) kəskin artımı ilə əlaqədar sığorta sahəsinin güclü ekstensiv yüksəlişinə baxmayaraq, Azərbaycanın ən qabaqcıl sığortaçıları yeni kəmiyyət və keyfiyyət səviyyəsinə çıxmaq məqsədilə daxili yenidənqurma proseslərinə başlayıblar. Gələcək sığorta mühitinin barometri, faktiki olaraq keptiv statusdan aktiv «xalq» sığortaçısı mövqeyinə keçən, hər zaman yanınızda olan və sizi müdafiə edən Alfa Sığorta şirkəti oldu. “Alfa Sığorta” ASC- nin Direktorlar Şurasının Sədri Elşad Əliyev köklü islahatların ilk nəticələri barədə abc.az portalına danışdı.
– Statistikaya əsasən bu gün müştərilərimizin 80%-i Alfa Sığortanın xidmətlərindən məmnundur. Lakin, təsisçimiz olan Bank Technique (bundan əvvəl Texnika Bank adlanan) əməliyyatlarından asılı olan bir sığorta şirkəti statusu daha nə sığorta bazarın tələblərinə, nə də bizim nisbətən cavan və dinamik şirkət olaraq maraqlarımıza cavab verir. Bu gün sizin «yenidənqurma» adlandırdığınız prosesi biz gerçəkləşdirməyə hazırıq - iki illik strateji inkişaf planımız demək olar ki, artıq hazırdır. Təsisçimizin ardınca şirkət rebrendinqə hazırlaşır və biz buna yalnız logotipin dəyişməsi kimi deyil, göstərdiyimiz xidmətlərin və apardığımız digər əməliyyatların yeni keyfiyyətlə həyata keçirilməsi kimi baxırıq.
– Strateji planlaşdırma biznes üçün artıq adi və standart məsələdir.
– Bizim strategiya – ciddi marketinq tədqiqatlarının, şirkətin şəxsi təcrübəsinin və yenilənmiş heyətin məhsuludur və adilikdən uzaqdır. Belə ki, şirkət sığorta xidmətlərinin göstərilməsini əsasən özəl sektora və fərdi müştərilərə istiqamətləndirilməsini planlaşdırır. Bunun üçün yeni, bazarda analoqu olmayan sığorta məhsullarının buraxılması prosesinə artıq başlanılır. Bir neçə məhsul rebrendinqdən dərhal sonra istehlakçılara təqdim olunacaqdır.
–Düşünürsünüz ki, bu gün yerli sığortaçılara və sığortalılara məlum olmayan sığorta məhsulları hələ də qalmaqdadır?
– Marketinq tədqiqatları göstərdi ki, bu gün sığorta bazarı, təəssüf ki, istehlakçıların əldə etmək istədikləri məhsulları təklif etmir. Sığortaçılar de-fakto müştəri maraqlarına xidmət etməklə deyil, öz risklərini minimuma endirməklə məşğuldurlar. Yeni strategiyanın təsdiq olunmasından əvvəl biz call-center sistemini möhkəmlətməklə, Bakıda və regionlarda gələcəkdə də inkişaf etdirilməsi nəzərdə tutulan geniş filial şəbəkəsini formalaşdırmaqla yeni məhsul və xidmətlərin generasiyası üçün bünövrə yaratmışıq. 2013-cü ildə ən qabaqcıl beynəlxalq təcrübəyə əsaslanaraq İT sistemin tam yenilənməsi planlaşdırılır ki, bu da müştərilərə göstərilən xidmət nöqteyi-nəzərindən şirkətin çevikliyini və operativliyini artıracaq.
– Bəs şirkətin gələcək oriyentirlərini daha konkret göstərə bilərsizmi?
– Ümumiyyətlə, biz sığortanın bütün növlərinin inkişafını məqsəd kimi qarşımıza qoymuşuq və sığorta bazarında liderlik edən şirkətlərin onluğuna daxil olmağa çalışırıq. Baxmayaraq ki, bu gün «orta mövqedə» möhkəmlənə bilmişik. Əmlak və icbari sığorta üzrə keyfiyyətli xidmətlər Alfa Sığortanın güclü tərəfi olaraq qalacaq. Biz əminik ki, AR Maliyyə Nazirliyi
avtonəqliyyat vasitələri sahiblərinin mülki məsuliyyətinin icbari sığortasını həyata keçirmək üçün, bir az əvvəl 6 ay müddətinə məhdudlaşdırılmış, hüququmuzu bərpa edəcəkdir. Eyni zamanda şirkət bu gün iqtisadiyyatın aktiv inkişaf edən, lakin lazımi sığorta təminatı olmayan sektorlarında mövqelərini gücləndirəcək. Təəccüblü olsa da, onların sayı hələ də çoxdur. Bu zaman həmin sektorlarda icbari sığorta tətbiq edilsə belə, Alfa Sığorta
onlara marağını itirməyəcək. Bundan əlavə, biz Azərbaycanın lider bankları ilə onların bütün risklərinin sığortalanması haqqında danışıqlara başlamışıq və artıq bir neçə iri kredit təşkilatı xidmtələrimizə maraq göstərib.
– Şirkətin komandası bu cür genişmiqyaslı fəaliyyətə hazırdırmı və ümumiyyətlə belə bir komanda varmı?
– Bəlkə də məhz menecmentdə baş vermiş belə kəskin dəyişikliklər sayəsində şirkətin işçi heyətinin peşəkarlıq səviyyəsi artdı. Bazarın ən yaxşı mütəxəssislərinin cəlb olunması ilə yanaşı, biz əməkdaşlarımızın bilik səviyyəsinin artırılması sistemini tətbiq etdik və indi də davamlı inkişaf üçün aparıcı treninq şirkətləri ilə danışıqlar aparırıq. Buna, xaricdə təcrübə keçmənin və treninqlərin təşkili də daxildir. Bu sistem ilk növbədə Sığorta xidmətlərinin satışı departamentində əməkdaşların sayının artırılması planları ilə əlaqədar genişləndiriləcək. Belə ki, biz agent şəbəkəsinin inkişafı üzrə planı artıq təsdiq etmişik və onun inkişafı üzrə mütəxəssisləri cəlb etmişik. Artıq şirkətdə mövcud olan və yeni sığorta agentlərinin ixtisasının artırılması üçün 2013-cü ildə agent mərkəzi açmağı planlaşdırırıq.
- Sizcə, sığorta bazarında işə maraq kütləvi xarakter daşıyacaq, axı digər şirkətlərdə də bu cür mərkəzlər var?
– Bu gün sığorta bazarı karyera artımı üçün real imkanlara
malikdir. 5-10 il bundan əvvəlki vəziyyətdən fərqli olaraq, bu gün sığorta şirkətlərində
çalışan gənclərin sayı çoxdur, çünki onlar karyera artımı və şəxsi rifah halının yüksəltmək potensialını görürlər. Mənim nümunəm sığorta
işi ilə məşğul olmağın perspektivliyinin bariz nümunəsidir: 13 il əvvəl necə deyərlər,
«küçədən» sığorta şirkətinə gələrək karyera pilləkanının ən aşağı pillələrində işləməyə
başladım və bütün bu pillələri MBASK, Beynəlxalq Sığorta Şirkətində və Alfa Sığorta şirkətlərində keçə bildim. Müqayisə üçün deyim ki, şirkətimizin
əməkdaşlarının orta yaşı 35 ildir və biz
peşəkar və karyera yüksəlişinə hazır olan gəncləri əməkdaşlığa dəvət edirik.
